西貢WM酒店:豪華露營體驗

Published by myfamigodev on

WM Hotel x myFamiGo
WM Hotel x myFamiGo

西貢WM酒店:豪華露營體驗

香港|2021年11月17日

非常榮幸得到於2021 年開業既西貢WM酒店全力支持,讓myFamiGo 家庭旅遊平台將豪華露營體驗正式帶進香港,讓大家可以在新一個露營季節,非常舒適地享受露營活動。

在疫情影響底下,大家都好希望於工作以外既時間能夠到郊外輕鬆一下。話明想輕鬆,當然係想舒舒服服去享受。享酒店玩露營?專業露營既朋友好大機會會話,咁點算係露營呀?

但帶住小朋友既家長就知道,如果要咁樣去一次露營活動,要有幾多野要準備。準備物資事少,小朋友夜晚扭計的話,先係真正難既難題。

因此,為著一家大細都可以好好咁享受露營,myFamiGo 聯同WM 酒店推出左豪華露營套餐。全港首次於酒店可以進行戶外露營體驗,不再是只限於房間內放置小帳幕作偽露營活動。整套豪華露營裝備包括大型帳幕,椅子,戶外餐枱,戶外燈飾佈置,及其他露營裝備,都為客人在入住前,於房間既私人天台花園設置好。

客人入住後會先進入一間正常客房連海景露台,放置好行李,然後從房間內私人樓梯步行上獨立天台花園。豪華露營裝備就設置在天台花園的草地上,花園面對全海景,非常心廣神怡。晚上可自由選擇於帳幕來睇星星或返回房間入睡均可。

人數限制方面,官方說法是只限兩位大人入住,但帶一至兩位小朋友其實都係冇問題的。如果再多幾個朋友仔想一齊玩,可以考慮多訂幾間設有豪華露營裝備的房間或一間豪華露營裝備的房間多加其他房型的房間。

每個房間都是包括兩位成人的早餐,小朋友需要在餐廳用餐是額外支付早餐費用。自駕到店的朋友亦可放心,已為大家包括一個泊車位。

豪華露營套餐每天數量非常有限,如欲預訂,請按此鏈結:

Categories: Uncategorized

0 Comments

Leave a Reply

Your email address will not be published. Required fields are marked *